આહુતિ – ચિરાગ પટેલ નવેમ્બર 28, 2015
દેવદર્શન પ્રેમદર્શન, અધોદર્શન અતિદર્શન;
દશે દિશાના સઘળાં સુંદર એવાં મનોદર્શન.
જયારે પ્રગટે પરમની પાવક પ્રેમજવાળા,
આહુતિ સ્વની પ્રેમે વધાવે કૃષ્ણ કાળા.
મનોભૂમિ તપોભૂમિ, પાપભૂમી પુણ્યભૂમિ;
સર્વે ગુણોની અધિષ્ઠાત્રી એવી માયા ભૂમિ.
જયારે ફૂટે અંકુર કુણી લાગણીનાં હૈયે,
વ્હાલમ સંવર્ધે ઋજુ પ્રતીતિ દૈવ કાર્યે.
આનંદવર્ષા પ્રેમવર્ષા, શબ્દવર્ષા નિરવવર્ષા;
વિશ્વ સઘળું નર્તન કરી ઉજવે મિલનવર્ષા.
પીગળે સર્વ સંઘર્ષ હુંફની વહે સરવાણી,
એકાકાર શબ્દયજ્ઞ મધ્યે પ્રેમની મધુર વાણી.
“દીપ” જયારે પ્રગટાવે પ્રેમની જ્યોતિ,
“રોશની” ફેલાતી રોમેરોમ પામી આહુતિ.
સ્વરાંજલિ - ઋતમંડળ 
શબ્દધ્વનિનો સરસ ઉપયોગ મધ્યાનુપ્રાસોમાં થયો છે. વિષયને પણ ન્યાય મળ્યો છે. આંતર પ્રવૃત્તિઓને ચડતા ક્રમે મૂકીને ન્યાય આપવા પ્રયત્ન ધ્યાન ખેંચે છે.
LikeLike