03.25.08
નવી ઘટના
નવી ઘટના - ચીરાગ પટેલ Mar 25, 2008
નવા ગાન ફુટે જો અધર આંગણે;
રચાયે નવલ છોડ હૈયે ફરી.
મનાવે દુધલ ચાંદ જો પ્રીતડે;
રચાયે નવલ આભ જીવને ફરી.
સમાવી બધી લાગણી જો ખુણે;
રચાયે નવલ બંધન તરલ ફરી.
સરકતી લતા થડ ઉપર જો વળે;
રચાયે નવલ પ્રેમ શ્વાસે ફરી.
વધાવે જગત જો વહેંચ્યું સકળ;
રચાયે નવલ સાદ આતમે ફરી.
નર્મદા તટે જો મળે કાનુડો;
રચાયે નવલ રાસ મનસે ફરી.
કલમ છોડું જો તીર સંધાનથી;
રચાયે નવલ જોમ ભોમે ફરી.
સુરેશ જાની said,
March 26, 2008 at 1:11 am
કલમ છોડું જો તીર સંધાનથી;
રચાયે નવલ જોમ ભોમે ફરી.
વાહ ! કલમના બળની સરસ અભીવ્યક્તી.
pragnaju said,
March 26, 2008 at 2:38 pm
વધાવે જગત જો વહેંચ્યું સકળ;
રચાયે નવલ સાદ આતમે ફરી.
વધાવે જગત જો વહેંચ્યું સકળ;
રચાયે નવલ સાદ આતમે ફરી.
સરળ સીધી વાત-
ન વેચવું પણ વહેંચવું
સ ર સ અિભવ્યક્તી
shivshiva said,
March 27, 2008 at 1:29 am
સુંદર શબ્દો છે.
Pinki said,
March 30, 2008 at 5:25 pm
sundar kalpana ….
ek sundar ghatana….. !!